Tonah Paskah Pimpinan Pusat GKPS

No.       :  108/3-PP/2013                                                           Pematangsiantar, 31 Maret 2013

Lamp.   :    -

Hal       :  TONAH PASKAH PIMPINAN PUSAT GKPS TAHUN 2013

Nahinormat:      
Haganup kuria GKPS
Tiba Pengantar Jemaat
Bani iananni bei.

Salam paskah ampa salam  penginjilan ma banta haganup.

Malas uhurta  halani marhitei hatani Tuhan domma tangkas iidah anjaha iahapkon hita, naha pangkopkop ampa pangkasomani Tuhan banta, boi imasuki hita suasana malasni uhur paskah on, halani domma ipasirsir Tuhan haluahonta marhitei parmatei ampa parpuhoni Tuhanta Jesus Kristus. Ase suasana malasni uhur na tarlobih do ialami  anjaha ijalo hita  ibagas goluh on (Jesayas 61:10). Marhitei suasana Paskah na gok malasni uhur on, sihol sobuton nami hubani nasiam hasoman na sakuria on,  anjaha on  na gabe panotap banta:

1.   Paskah aima pesta malasni uhur banta , ase halani ai maningon terpancar do ibagas goluhta ampa hauhuronta suasana keceriaan, halani domma iain Tuhanta Jesus Kristus goluh ampa pangarapanta, ase halani ai berehkon hita na dirinta ampa pengabdian ase manggoluh ma hita ibagas  terang injil na humbani Tuhanta (Mateus 24 :14), Halani domma ibotoh hita tangkas naha pangkopkop ni Tuhanta Jesus Kristus banta ibagas goluhta siganup ari. Ase ulang satongah-satongah uhurta laho mangiringkon Tuhanta Jesus Kristus.

2.   Buahni pangkopkop ni Tuhanta Jesus Kristus, ibere Bapa in do anakni na sada sada in, matei tarsilang i Dolog Golgata, Haganupan in aima halani holongNi do banta ganup jolma, gabe itobus hita, marhitei darohni na madurus i Dolog Golgata bahen haluahonta naso ikkat marsalah do Ia namin (Joh 3: 16). Tapi holongNi dobma ipatalar bani ganup jolma.

3.  Pengorbananni Tuhan Jesus, sedo tanggung tanggung, darohNi do ipertaruhkon untuk haluahonta. Das hubani na matei janah marutang hosah Ia iparsilangkon i Dolog Golgata,  mahal do in ibayar Tuhanta bahen haluahonta. Ase talup ma hita marpangabak na bayu romban hubani sura-sura ampa harosuhni Tuhan Naibata, ase halani ai sai ra ma hita itompa Tuhan gabe tinompa na baru i lobeini Naibata. (Yesayas 2 : 4; Mika 4 :4).

4.    Domma gabe jolma na baru hita i lobeini Naibata, anjaha domma i nikmati hita haluahonta in, hinorhon ni ai sai ra ma hita iproses Tuhan untuk lebih baik, ase marhiteihonni in lambin marsangap ma Tuhanta ibagas goluhta ampa horjanta siganup ari (Jeremia 31 :22)

5.    Halani Tahun Penginjilan do banta bani tahun 2013 on,  mardingat hubani pesan agungni Tuhanta Jesus Kristus paima borhat ia hu  Nagori Atas, parlobei do ipasingat hubani susiannNi, ase ra sidea marsaksi laho mambaritahon hatani Tuhan (Mat 28 :19-20), Hita pe sai ra ma gabe saksi na manggoluh, sirsir mandalanhon amanat agungni Tuhanta Jesus Kristus, ulang be marnaloja hita mandalankon parentah ampa mambaritahon Tuhanta jesus Kristus, atap ija pe hita marianan, halani Tuhan in do ulu janah hita pagori-Ni.

Selamat Paskah ma banta haganupan, sai iramotkon Tuhan Naibata ma hita janah margogoh  mandalankon  parentahNi.  Horas…..

Salam pakon tonggo nami

Pimpinan Pusat GKPS

Pdt Jaharianson Saragih, STh.MSc.Ph D                    Pdt El Imanson Sumbayak, MTh.

E p h o r u s                                                       Sekretaris Jenderal

cc.            - Pengurus GKPS Resort

- Biro Dana/Keuangan

- file