Pamasu-masuon bani 5 Halak Sintua i GKPS Bogor - Resort Bogor
Bani
ari Minggu, 3 Maret 2013 nasalpu, ipamasa do pamasu-masuon bani 5 halak Sintua
i kuria GKPS Bogor Resort Bogor. Sidea
na tarpasu-pasu aima: St. Drs. Nahason Damanik, St. Letkol. Drs. Rediwasken
Sinaga, St. Binner Yasin Sumbayak, St. Rosdiana br. Saragih, SPd., pakon St.
Sariani br. Damanik, SPd. Acara
panabalan on ipimpin Pdt. Jaksen Saragih, MTh. (Pandita GKPS Resort Bogor).
Paima
manjalo tohonan on, domma ibahen pembinaan hubani sidea selama 6 hali pertemuan
(31 Januari s/d 2 Maret 2013), janah
topik ni aima: 1. Ruhut-ruhut Hasintuaon (Pdt. Jaksen Saragih, MTh.), 2.
Tohonan Sintua (Pdt. Mercy Anna Saragih, MTh.), 3. Parambilanon (Pdt. Jaksen
Saragih, MTh.), 4. Liturgi (PW Rolina Saragih), 5. Perkunjungan Rumah Tangga
(Pdt. Mercy Anna Saragih, MTh.), 6. Dukungan keluarga bani pelayanan (Pdt.
Jaksen Saragih, MTh.).
Bani ambilan sanggah acara panabalan
on, Pdt. Jaksen Saragih, MTh. mangondolhon use tanggung jawab horja
pangidangion pakon gabe sontoh sitiruon ampa siihutkonon ni pagori. Songon hata ni umpasa ma tongon:
“
Ipaturei rumah gareja, Bahen ianan parmingguan,
Anggo
domma gabe Sintua, Talup ma gabe panungkunan “
Sonai homa do sambutan na ipadas St. Dr.
Ir. Jan Horas Purba (Pengantar Jemaat), manokanhon tugas-tugas ni Sintua na
mandalankon pelayanan, marmahani pakon mangajari. Malas do uhur domma
tarpasu-pasu nasiam ase lambin ringgas ma hita riap marhorja ipohon anggur ni
Tuhan in. Tontu dukungan ni keluarga pe
banggal do perananni ase jenges ranggi horja Hasintuaon on idalankon nasiam. Ibagas
malasni uhur do pagori padaskon selamat hubani Sintua na tarpasu-pasu on. Tambah
homa malasni uhur sadari ai, tudu roh marminggu 2 halak Pdt GKPS na sanggah
martugas i Lembaga Alkitab Indonesia, Bogor aima: Pdt. MH Sipayung pakon Pdt. F
Sinaga.
Janah iamenhon 5 halak
Sintua on ma riap pakon keluarga do tongon harapan ampa malasni uhur ai marhitei
na mandoding vocal group sidea na marjudul, “Tuhan Ham do Pangajamanku” …
Monang do au, ai tuk do gogohkin ibere Tuhankin. Haleluya !
GKPS Bogor – Resort Bogor
St. Dr. Ir. Edwin Saragih Simarmata (Sekretaris Jemaat)
Komentar
Posting Komentar